Миний чөлөөт орон зай, таны сонирхолд...

      Сайн байцгаана уу , блогч андуудаа. Сар шинэдээ сайхан шинэлцгээв үү? Шинийн найманы энэ билэгт сайн өдөр та бүхэндээ бичлэгээ хүргэж сууна. Банжиг блогоор хэсэж бусдын бичлэг сэтгэгдэлийг уншиж  сэтгэл оюуны гүн таашаалтай байдгаа хэлэхэд таатай байна. Өнгөрсөн хугацаанд өөрт тохиолдсон үйл явдалуудаас  тоймлон тайлгнасугай. Таалал орших эсэхийг би таашгүй...

Монгол хүн байна даа ширээгээ зассаан. Ул боовны оронд мушгиа боов хийж таваг заслаа. Харин бууз нь жигнүүр дээрээ минут нь болоогүй байхад нь зураг авсан юм шүү.

Дээлтэй Монгол хөдөлгөөнийг сэтгэл зүрхээрээ дэмжиж зөв зүйтэй гэж үзэж байгаа. Өнөөдөр дээлтэй өдөр гээд монголд байгаа гэрийнхэн маань их идэвхитэй байгаа. Нөхөр хүүтэйгээ гандан хийдээр очиж ном уншуулж явна гэнэ.2 дүү эгч 3 ажилдаа дээлтэй явсан гэнэ.Охин маань нагац эгчтэйгээ дээл өмсөөд Өргөө кино театрт 1000 төгрөгөөр кино үзэж байгаа гэнэ.Харин энд суугаа би л онц гавъяагүйхэн сууж байна даа.Сар шинээр хүний нутаг гүний хошуунд нутгийн зүг сэтгэл алдууран гэгэлзэнхэн өнгөрүүллээ. Энд байгаа Монголчууд маань хүний нутагт золгодоггүй хэмээн гар барин мэндчилэх юм.  Этгээд боловч бас л сонирхолтой л юм.

Миний амьдарч буй хотод шинийн нэгэн буюу 02 сарын 14 нд    УГЖ дуучин Эрдэнэбат , Чингис хаан хамтлагийн ахлагч УГЖ буржгар хэмээн олноо алдаршсан дуучин Жаргалсайхан  нар айлчлан ирж 2 цаг 30 минутын тоглолт хийж нутаг нэгтнүүдийнхээ сонорыг мялааж сэтгэлийг тэнийлгэлээ.Нутгийн ах нар сэтгэлийн утас хөндөж шинийн нэгний билэгт сайн өдөр аялгүү дуугаараа мэндийн цэнхэр хадаг барин сэтгэл нэн өөдрөг сайхан он гарлаа. Солонгост байгаа Монголчууд маань маш их бэлэгшээн хөгжилдсөн бөлгөө.

Дашням Балжинням давхацсан золтой сайхан баяр болсоон хөө. Маргааш нь буюу 02 сарын 15 нд зохиолын дуучидын гол төлөөлөгч  УГЖ Жавхлангийн тоглолтыг үзэж сэтгэл оюунаа цэнгүүллээ.УГЖ Жавхлан маань монгол зан заншил , өв уламжлалаа гэсэн чинхүү санааг өвөрлөн яваагаа тоглолтын явцад болон билетээ дагуулан өгсөн Хөх Монголын дэг ёс сонин , Өмөлзөж харамлах нутаг хэмээх босоо бичигээр бичиглэн чимсэн CD зэргээрээ харуулж , харьд суугаа элэг нэгт Монголчууд бидэнд бахархалтай сайхан байсан билээ.Жавхлан маань тоглолтондоо 3 дээл өмссөн ба тоглолтоос гадуур бас л дээлтэйгээ Солонгосоор хөндлөн гулд явж байсан гэсэн шүү.

  Энэ бүх сайхны эцэст муухай монгол зангаа дурдахгүй байхын аргагүй билээ. Бидний монголчууд хөгжихгүй байгаа хамаг буруу маань цаг барьдаггүй зарчимч биш зан маань гэж би боддог. Энэ удаа ч мөн л гавъяатуудын тоглолтууд зарласан цагаасаа даруй 1-2 цаг хоцорч эхэлсэн нь  биднийг зорин ирсэн эрхэм дуучидын маань дараа дараагийн үйл ажиллагаанд саадтай байсан билээ.Харин дуучид маань бидэн шиг бүдүүлэг зан гаргалгүй үзэгч олонтойгоо элэгсэг дотно байж зураг хөргөө авахуулан дуу хуураа өргөсөн бөлгөө.

             Арай ч дээ монголчуудаа.Хятадууд бидний гэсэн бүгдийг нэг нэгээр нь үндэсний цөөнх гэх өвөрмонголчуудын нэрээр хулуун авчихаад биднээс хойш үр удмыг минь та нар бас бидний үр удам худлаа гэвэл хэрэглэж байсан болон хэрэглэж буй эдлэл хэрэглэл соёл урлаг чинь бүгд биднийх гэдгийг дэлхий нийт хүлээн зөвшөөрсөн баталгаа энэ байна 2000 тэдэн он хэмээн мадлаж цусгүй тулаанаар МОНГОЛыг минь булаах нь байна.

  Монгол хүмүүс Хятадуудад яагаад дургүй вэ? гэхэд хэлэх үгээ тэр бүр олж хэлэх нь ховор. Ихэнхидээ угаасаа л дургүй . Эцэг өвгөд минь дарлагдаж байсан болохоор, өмхий муу санаатай болохоор гэхчилэн мухар дутуу хариу өгдөг . Хятадууд бидэнд зарлалгүйгээр дайсагнасаар ирлээ.Гэхдээ бидний өвөө эмээгийн үед өмсч байгаа дээл хувцас , малгайг нь булаагаагүй ээ . Дуулж байгаа дууг нь ч дээрэмдээгүй ээ . Яагаад гэвэл одоо ч хойшид ч Хятад хүн Монгол хүний давтагдашгүй цээл хоолойгоор дуулдаг уртын сайхан дууг цангинуулж , хоолойн царааг гаргах уянгалаг хөөмийг хөөмийлж чадахгүй. Үе дамжин өвлөж өмсөж ирсэн үндэсний минь сайхан хувцас дээлийг өмсөөд өвгөдийн маань хүүрнэж ирсэн туулийг хайлж чадахгүй. Энэ л миний Монголын гэсэн бүхэн яагаад харь хятадынх хэмээн данслагдах боловоо. Бидэнд өв уламжлалаа өвгөд лугаа нандигнах холч ухаан дутаа юу? Нийгэм алгасч хөгжил хөөгөөд  эрт эдүгээгийн ялгаа тодроо юу?

  Алин боловч өнөөдөр л  та бид өөрийн гэсэн одоо байгаа болон алдсан алдах магадлалтай бүхнээ үгүйлж өөриймсөлж авах нэгдэх ёстой. Түүх соёлын дайралт нууц дайн бусуу? Түүхийн өчнөөн өв Хятадын нэр дээр бүртгэгдэж цаасан дээр тамгалагдсаар . Дэлхий нийтэд үр хойч маань тэрхүү дардастай цаасны бичвэрийг цусаар уйлан тайлбарлаад ч цаг хугацаа түүх болон хатуурхах буйзаа. Өнөөгийн түүхийн эзэд бид л энэ түүхийг энэ өмчийг өөрсөддөө авч үлдэх ёстой.

  Монгол судлаач хэмээх чухам тодорхой хийх ажлын хуваарьгүй элдэв ажлын нөхөөс бологч эрхэмсэг мэргэжил нэгтэнүүдээ .Оюутан хэмээн нэрийдэхүү оюунтан хэмээн дуудахуу гэж маргалдан байсан оюутан ахуйн андуудаа. Одоо л Монгол Мэдлэгийн Их сургуульд мэргэн багш Ч.Догсурэн агсан, Соёон гийгүүлэгч тэргүүн /СоГиТэр/Л.Дашням багшийн шавь болон бужигнаж явахдаа Монгол зан заншил ,уламжлал, дээл , шашин гэхчилэн сэдвүүдээр диплом хамгаалж бид төгссөн бусуу.Одоо л таны бидний мэдлэг амьдралд эх оронд минь хэрэг болж хэрэгжих цаг ирлээ. Бие сэтгэл ,оюунаа дайчлан дэлхийн хэмжээнд дээл монголынх гэдгийг диплом хамгаалалт хийцгээе.Монголоо хэмээн цохилох зүрх бидэнд бий , Түүн лугаа Монголоо мэдэх мэдлэг бас хангалттай бусуу?

ХЯТАДЫН СОЁЛЫН ЛУЙВАРЫГ ЗОГСООЖ ӨӨРИЙН ГЭСЭН БҮХНЭЭ ӨМЧИЛМӨӨР БАЙНА

Би комдоо зураг оруулж мэдэхгүй байсан юм.Одоо сураад зураг оруулмаар санагдаад байна 

Шинэ оны эхний өглөө миний хийсэн цасан өвөө

Өөрийн гараар өөртөө зориулж хийсэн тоорт

Шинэ жилээр өөртөө зориулж авсан бэлэг маань

Баяраар өөртөө барьсан зоог

Гоё байгаа биз.Цасангоо гүнжүгийн платье

Ханхүү гүнжү 2 санта нартай

Надаас хол кристмас баяр

мороженон тоорт /Со-нууд хийсиймаа/ Өөр зөндөө байгаа.Амттай юм байна лээ.

Намрын ойн хэрэм харагдаж байна уу?

Намарын будааны талбай

КОНЕЦ ФИЛЬМА

    Дэлхийг тойрох их аянд гарсан "Диваажингийн хоригдол" хэмээх жижигхэн цэнхэр номын нэгэн зогсоол болсон миний бие өгүүлэл тавин бичиглэхийн учир: Айл бүр элгэн саднаараа шинэ оноо угтан баяр хөөр дүүрэн байх энэхэн өдрүүдэд ээж нь үрээ хайн эрэл сурал болжээ манай банжигаар.Тиймээ, цэнхэрхэн номын маань зохиолч бүсгүй энхрийхэн номынхоо сураг ажигийг гаргахаар шамдан байна.Сураг ч тодорч буй бололтой.гэсэн ч номыг авч баясалыг мэдэрчихээд банжигчидтай хуваалцаагүйгээр үлбарам сэтгэгдэл төдийхнөөр зохиолчид талархалаа илэрхийлсэн дутагдалаа цайруулахаар тог тог товшин сууна.

       10 сарын 7 нд хөөрхөн цэнхэр номоо Ангараг бүсгүйн зуучлалаар хүлээн аваад 10 хоног хамт байхдаа, Номыг эрхэмлэгч нэгэн гэр бүлд уншуулан хугацаа алдсан билээ.Гэхдээ дур мэдэн бусдад уншуулсанаа буян хийсэн гэж өөрийгөө зөвтгөж л сууна. Уншицгааж дуусаад бид номоо дараагийн зогсоолруу илгээх болоход зууч бүсгүйн өгсөн дугаарлуу утас цохиход ашиглалтанд байхгүй гэсэн автомат хариу сонссон тул дахин лавласны үндсэн дээр хаягийн дагуу цэнхэрхэн номоо илгээсэн болно.Гагц дараагийн хүнд хүрсэн эсэхийг зууч бүсгүйн мэдэлд үлдээсэн билээ.

        Авъяаслаг бүсгүйн өвөрмөц ертөнцөөр аялан оюуны өндөр таашаал авч баясан цэнгэснээ дахин бахдан өгүүлье. Сэтгэлгээний хэмээх эдгээр өгүүлэгүүдээс төрсөн сэтгэгдэл мэдрэмж оюутан ахуйн ангийн анд зохиолч эгч Өлзийтөгсийн шүлгийн өвөрмөц санаа илэрхийлэлтийг санагдууллаа.Үнэхээр сонирхолтой дүрслэл гайхмаар илэрхийлэлт...

     Энэхүү гайхамшигт бүтээл цэнхэрхэн номоо дэлхийн энгээр тарсан монголчуудынхаа оюуны хэрэгцээнд зориулан их аянд мордуулсан зохиолч эрхэмсэг бүсгүйдээ блогоороо дамжуулан арвин их бүтээл туурвиж , аз жаргалаар бялхаж яваарай гэж ерөөе.

       2009 оны 12 дугаар сарын 25. Миний блогоор айлчилж буй та бүхэндээ зул сарын баярын мэнд хүргэе.Өнөөдөр Монголд байгаа банжигчид маань шинэ жилийн баяраа тэмдэглээд маш цоглог байгаад цагаахнаар атаархаж л сууна. Өнөөдөр энгийн ажлын өдөр эхэлж ажлын цаг дуусахад л хамт амьдардаг 2 хүүхэнтэйгээ эндэхийн Home plus буюу энэ хотынхоо хамгийн томд тооцогдох дэлгүүр орж элдэв дээдийн хямдралын давалгаанд цохиулан жаахан настерь орлоо.

               Энд 1м 80см-тай боргоцойтой гацуур мод 15000 вон гэнэ. Нэгийг авлаа. Бас удирдлагатай том машин/хүүхдийн/ 20000 вон,дунд зэргийнх нь 10000 вон гэнэ.Бас л хөөрхөн шар хүүдээ,дүүгийнхээ 1 нас хүрж байгаа том залууд, бас нэг хараахан төрөөгүй ч эрэгтэй нь тодорхой нялх хүүд гээд 3 ширхэгийг худалдаад авчихлаа.

               Хөөрхөн гүнж маань ээждээ амьтаны дүрстэй ,үргэлж бээлийтэй үслэг малгай захисан юм.Цагаан өнгөтэй бамбаруушны дүрстэйг авлаа.Компьютерт нь камер авлаа.

                Ханьдаа дулаахан байх боловуу гээд хилэн материалтай бор дээр шар ногоон цагаан нарийхан судалтай сорочка нэгийг авлаа.Үнэ дурдаагүй бичигдсэн нь хямдралгүй гэсэн үг.

               Хамт байдаг хүүхэн маань харин аймаар том том наймаа хийсээн.70000 воны печь,60000 воны тоос соруулагч,155000 воны зургийн аппарат 2 ширхэг.Зөндөө наймаа хийсэн байгаа биз.Аргагүй шүү дээ.Одоо удахгүй монголдоо очоод шинээр гал голомтоо асаах гэж байгаа юм. /Хүний нууц хэлчихлээ шүү.../ Эдгээр худалдаж авсангууд нь бүгд л 20-30% ийн хямдралтай байгаа нь.

             Тэгээд л хүний их болоод өөрийн авсан жаахан юмандаа сэтгэл хөөрөөд л зул сарын баяр өндөрлөж байна даа.Нөхөр болоод хүүхдүүддээ тайлангаа тавьсан гэж байгаа.

Сэтгэлд хоногшсон кино” сэдвээр блог нийтлэлийн уралдаан зарлалаа 11/30/2009 09:45:00 AM “Өргөө Кино Театр”, “Монголын Блогчдын Холбоо”, “Монки.мн” сайт хамтран 2009 оны 12 сарын 01-ээс 12 сарын 14-ны өдрүүдэд “Сэтгэлд хоногшсон кино” сэдвээр блог нийтлэлийн уралдаан зарлаж байна.

Тус уралдааны гол зорилго нь Кино ертөнцийн тухай блогчдын бодол сэтгэгдлийг нээх, нийгэмд хүргэх, уншигчдын оюуны цангааг тайлах нийтлэлийг төрүүлэн олон нийтийн хүртээл болгоход оршино. “Сэтгэлд хоногшсон кино” нийтлэлийн уралдааны журам

1. Уралдаанд бүтээл ирүүлэгч нь аль ч улсад амьдардаг хэн ч байж болох бөгөөд нас, хүйс үндэс угсаа ялгаварлахгүй.

2. Бүтээл нь киноны тухай шог хошин, шүүмжлэл гэх мэт ямар ч хэлбэрээр бичсэн нийтлэл байх боломжтой бөгөөд уралдаанд оролцогчийн зөвхөн өөрийн бүтээл байна.

3. Бүтээл нь Монгол Улсын хууль тогтоомжуудад санаатай болон санамсаргүй харшлахгүй, ямар нэгэн ил далд сурталчилгаа хийхгүй, айлган сүрдүүлэхгүй, аллага хүчирхийллийг дэмжихгүй, садар самууныг сурталчилахгүй, бусдын нэр хүнд хувийн нууцад халдахгүй, хуурахгүй, ялгаварлан гадуурхахгүй, турхирахгүй, дайрч доромжлохгүй, хувийн болон албаны нууцыг олонд дэлгэхгүй, зохиогчийн эрхэнд харшлахгүй байж нийтлэлийн ёс зүйг сайтар хангасан байна.

4. Бүтээлийг компьютер дээр Unicode ашиглан бичиж www.monkey.mn сайтын уралдааны бүтээл хүлээж авах хэсэгт оруулна. Бүтээлээ оруулахдаа, тус сайтын Мэдээ нийтлэх цэсээр орж “Сэтгэлд хоногшсон кино” ангилалыг сонгож нийтэлнэ.

5. Уралдаанд ирсэн бүтээлүүдийг нийт уншигчдын сэтгэгдэл, санал, үнэлгээг үндэслэн Өргөө синема, Монки.мн сайтууд хамтран шүүнэ.

6. Уралдаанд ирэх бүтээлүүдийг 2009 оны 12 сарын 01-ээс 12 сарын 14 хүртэл хүлээж авах бөгөөд хугацаанаас хэтэрсэн тохиолдолд хүлээж авахгүй.

7. Уралдаан 3 байр шалгаруулж дүгнэнэ. I байр- VIP тасалбар 2 ширхэг + Пепси Кола ундаа + Поп корн (Вип тасалбараар бүтэн сарын туршид хосоороо Өргөө кино театрт дуртай киногоо үзэх эрхтэй болох бөгөөд попкорн болон Пепси Кола ундаа үнэгүй) II байр- Энгийн тасалбар 2 ширхэг + Пепси Кола ундаа + Поп корн (Энгийн тасалбараар нэг удаа Өргөө кино театрт хосоороо дуртай киногоо үзэх эрхтэй болох бөгөөд попкорн болон Пепси Кола ундаа үнэгүй) III байр- Энгийн тасалбар 2 ширхэг (Энгийн тасалбараар нэг удаа Өргөө кино театрт хосоороо дуртай киногоо үзэх эрхтэй)

8. Тус уралдааны шагналыг 16-ны Лхагва гаригт Өргөө кино театр дээр гардуулна.

9. Уралдаанд ирсэн бүтээлүүдийг зохион байгуулагч байгууллагууд эзэмших, хэвлэн нийтэлж олон нийтийн хүртээл болгох эрхтэй.

Жич: Тус уралдааныг ивээн тэтгэх боломж бүх албан байгууллага, хувь хүмүүст нээлттэй бөгөөд Монгол хүний оюуны бүтээл төрүүлэх боломжийг олгож тус уралдааны ивээн тэтгэгчээр хамтарч ажиллахыг урьж байна.

Өргөө Кино Театр Монголын Блогчдын Холбоо Монки Контент ХХK

. . . гэнээ. Манайхан оролцох болов уу гээд л .Зөндөө олон авъяаслаг блогчид Банжигт маань байдаг шүү дээ...

Ганган хулыгаа унаж л явлаа хө хө хөө

Гандангынхаа үүдээр галигуулж явлаа хө хө хөө

Галсан мээрэнгийн нэрэн дээр нь хө хө хөө

Гарынхаа бэлзэгээр дэнчин тавьлаа хө хө хөө ... гээд л хийх юмгүй гиюүрээд л суужийнаа. Амралтын 3 өдөр унтах, идэх, банжигдах гурвыг л хийж байх шиг вэ дээ. Аа бас карт үрэх гэдэг онц сонирхолтой ажил хийгээд л. Угтаа бол би зохиолч Болор-Эрдэнийн "Диваажингийн хоригдолууд" гэдэг цэнхэр ном над руу гарсан тухай сайхан мэдээг Ангарагаас сонсоод амралтын өдрүүдийн төлөвлөгөөгөө хойшлуулаад хүлээгээд байсансан. Гайтай энэ Жусок буюу ургацын баяр нь таараад ном над дээр ирсэнгүй. Уг нь 3 өдрийн амралт таараад тухтайхан сууж уншиж амтлаад жинхэнэ сэтгэлийн цэнгэл эдлэе гэж мөрөөдсөн юмсан. Дэлхийг тойрч байгаа тэр цэнхэр ном. Манай банжигын мундаг зохиолчийн маань бүтээл. Өчигдөр өдөржингөө хүлээлээ. Өнөөдөр ч найдвар тасарчихсан л сууж байна. Нэг дэхь өдрөөс л ирэх байхдаа. За би ч банжигаараа л тэнэж сууя даа.

Мессенжерээр ирсэн шүлэг . таалан соёрхоно уу...

Харьд яваа бүсгүйчүүдээ

Хатуу үгээр бүү гомдоо

Хархан нүднийх нь нулимсыг

Харамгүй бүү урсга

            Энхрий турьхан биеэндээ

            Эгэлгүй хүндийг үүрч яваа

            Эмзэг ариухан зүрхэндээ

            Энэлж шаналахыг тээж яваа

Хонгорхон бүсгүйн сэтгэлийг

Хоромхон ч гэсэн сонсох юм бол

Хувирашгүй нандин итгэл байгаа

Хуучрашгүй андын сэтгэл байгаа

             Хүүхэн хүний бие гэдэг

             Хөлстэй биений алчуур бишээ

             Хөнжил орны чинь даавуу бишээ

             Хүслийг чинь хангагч машин бүр ч бишээ

/Уучлаарай энэ шүлгийн зохиогчийг мэддэг хүн байвал сэтгэгдэл дээр үлдээнэ үү./

Хаа ч ажил хийсэн ажилчин хүн ажлын цагийн тодорхой хугацааг/1 цаг/ амралтын буюу хоолны цаг хэмээн эдлэх эрхтэй байдаг. Би ч бас ажилчин хүний эрхээ эдэлж энэ хугацаанд амардаг.Гэхдээ миний амралт арай л өвөрмөц. Солонгос маягын гэхүүдээ. Юу гэвэл амралтын 60 минутанд бидний 3 хүүхэн амжиж хоолоо хийж иддэг. Гэхдээ тус тусдаа. Анхлаад хамтдаа хоолоо хийх санаачлагыг би гаргаад 3 уулаа ажлын 6 хоногт 2 өдөрт нь нэг нь хийж иддэг байсан боловч нэг хүүхний маань хүслээр /Амттай чанартай хоол хийж идэх гэж/ тус тусдаа хийх болсон юм. Түүний үр дүнд 60 минутын 20 минутанд 2 нь хоолоо хийх ба 10 минутанд хоолоо идэх бөлгөө. Азгүй нэг нь дараагийн 10 минутанд хоол хийж 10 минутанд нь хоолоо идмой. Ийнхүү амралтын 30 минутанд газын галд шарагдаад дахин 10 минутанд хоолны илчинд халуу дүүгэж өнгрөөдөг юм. Сүүлд хоолоо идсэн нь дахин 10 минут илүү зарцуулж байна, халуун галд. Ингээд л 20 минутын амралт эдлэх бодит нөхцөлтэйгээр 1 жил 6 сар ажиллаа. Бас ягаан буюу орой илүү цаг хийхээр бол 30 минутанд 3-уулаа амжиж хиам зайдас шарж, будаатай хольж голоо зогооно. Ер нь бол амралтгүй л ажилласаар үнэхээр их ядарч байна даа. Ямар вэ дээ?

           Бүтэн сар блогтоо орсонгүй.Энэ хугацаанд ажил амьдрал хөвөрсөөр л...

Хамгийн гол нь хүүдээ дулаан ноосон цамц нэхэж дуусгалаа.Сүүлийн хэдэн жил юм нэхээгүй хэдэн ч удаа хөвж дахин нэхэв ямартаа ч нэхээд бэлэн бүтээгдэхүүн болгоод авсаан.Хөөрхөн цэнхэр ноосон цамц.

Солонгос хэл сурах... Бие дааж сурах чадвар гэж огт байхгүй болжээ.Нас тархи хоёр ч элэгдэж байна шүү? Ном бариад л суух юм .Нэг их удалгүй хоолны ширээний ард л сууж байх юм.Банжигаас л багш олохоос.

 Нууц гэдэг  киног үзээд өөрийнхөө мөрөөдлийг цаасан дээр буулгалаа.Мөрөөдөлдөө хүрэх эхний алхам Эдийн засгийн эрх чөлөөний тухай шинэ мэдээлэл олж авлаа.Зоригтойгоор, зорилготойгоор урагшаа нэг алхсаан. Үүнийгээ би амжилт гэж бодож байна.

Дижитал камер худалдаж авлаа.Авахаасаа өмнө зөндөө л гоё гоё зураг авч  бичлэг хийх юм төлөвлөөд байсан чинь зун дууссанаас болсон уу? Цэцэг навч ч үгүй нэг л бүүдгэр оргиод нэг ч их хүсэл сонирхол татахаа больчихлоо. Мартсанаас охин маань 4 настай байхад надад нэг аппарат байдаг байлаа.Цэцэрлэгийнх нь өглөөлөгний баахан зураг дарчихаад гэртээ ирээд охиндоо -Ээж нь зурагийг нь угаалгаж ангийнханд нь өгнөө , гэж хэлчихээд юм хийж байсан чинь охин маань -Ээжээ би зурагаа угаачихсан , гээд аппаратыг минь баннтай усанд дүрээд аваад ирж билээ.Тэгээд л аппарат чад .Тэрнээс хойш өргөн түмнийхээ буяныг эдэлж зурагаа татуулж явах шиг вэ дээ. 

Хүү маань сургуулийн сурагч болоод дүрэмт хувцас өмсөж , смайл дүн аваад л мундаг байна даа.Инээсэн смайл нь онц урвагар нь муу гэж дүн тавьдаг гэнэ.6 настангуудад хялбаршуулсан программаар сургалт явуулж байгаа бөгөөд он гарч байж үсэг заана гэсэн байна.

Одоо бол ЧУСОК-УРГАЦЫН БАЯР хүлээгээд л бонус хэдийг өгөх бол гээд л хүлээж сууна даа.

 Хайртай би чамдаа маш их хайртай.Хонгорхон хоёр үрсдээ бүүр ч их хайртай.Би гэр бүлдээ хайртай . Чи бидэн хоёрын хайраараа бүтээсэн амьдрал ,хайраасаа ургуулсан цэцгэс ,хамтдаа тэмцсэн тэмцэл , жаргалтай мөч хором бүр бидний нандин сайхан эрхэм чухал  энэ л амьдрал. Тиймээ чинийхээ инээж байгаад хайртай гэж хэлэхэд чинь би дуртай хажууд суугаад учирлан ярихад чинь би дуртай.Уурлаад  суугаа чинь ч сайхан.Өөр хэнд ч гаргадаггүй тэр л ааль бүхнийг чинь мэдрэх сайхан.Эр хүн та миний хажууд надтай хамт энэ л амьдралыг босгож  эгэл олны урсгалд хөл нийлүүлэн алхахдаа бусдад намайг магтаж гайхуулж  бас нууцхан харамлан хардаж хатуу зөөлөн алив үгсийг халшралгүй хэлж суухдаа минии л хань гэж элгэмсэн боддог биз. Хэтрүүлж хэлсэн хэдэн үгнийхээ араас хэлтрүүлж уучлалт эрэхдээ хань надаасаа бэргэж тойруулан байж үгээ зөөн хэлдэг. Бусадтайгаа сархад хүртчээд буруугаа гэмшиж маргааш нь томоожих . Хонгорхон жаахан үрсээ дагуулж хорвоод наддаа заяасан халх монгол залуу миний хань миний л хайрт. Уужим энэ хорвоод жаргал зовлон хэцүү бэрх баяр хөөр бүхнийг минь надтай л адил мэдэрч намайг түшиж тулах насан багын минь хайр нандин сэтгэлийн минь амь хань чамдаа би чинь хайртай...

  Өнөөдөр ямар сонин өдөр вэ? Өглөө босохоос л нартай ч юм шиг бүрхэг ч юм шиг.Ажилд ороод ажилтай ч юм шиг ажилгүй ч юм шиг.Хүмүүс надтай яаж ч харилцаад байгаа юм мэдэх юм алгаа.Хагас өдөр болохоор ингээд байгаа юм болов уу? Ядаж байхад би хэлтэй ч юм шиг хэлгүй ч юм шиг хэдэн солонгосынх нь учирыг олохгүй. Хамт ажилладаг хэлтэй хонгорхон хүүхэн туслаад ч байгаа юмуу , хорлоод ч байгаа юм уу бүү мэд.Уурламаар ч юм шиг эсвэл бүүр өөрийгөө үзэн ядмаар ч юм шиг.Ойлгодоггүй ээ. Уг нь 6:30д тардаг юм . Гэтэл ажилтай ч биш ажилгүй ч биш байж байгаад 3:00 хүргэчихээд ажилгүй аргаа бараад кэгэний араар цэвэрлэгээ хийж байтал нөгөө хүүхэн маань - Тар гэнээ таръя таръя гэхээр нь хийж байснаа дуусгах гэтэл дуудаад сүйд болохоор нь аль нэг цагийн өмнө ажилгүй болсон болохоор сомоним нь уурлаад байгаа юм боловуу гээд очоод картаа дараад байрандаа орчихсон чинь юу болсон гээч? Нөгөө 2 хүүхэн маань үргэлжлүүлж ажилласаар 4:30 болгочихдог гэнээ. Яаж байгаа юм болоо? Уг нь адилхан л мөнгө олох гэж хүний газар бусдийн харцан доор адилхан л зовж байж.Арай солонгос эзний мөнгийг хэмнэх гээгүй байлтай.БИ БОЛВОЛ БУСАД НЬ ХАМААГҮЙ  гэсэн зарчим үйлчлээд байгаа юм болов уу.Тэгвэл би одоо хэл сурах хэрэгтэй болж байх шиг байна.За за бас ч гэж хоосонгүй уур хүрсэн ч хэл сурах хор шарыг минь асаачихаж.Баярламаар ч юм шиг уурламаар ч юм шиг мэдэх ч юм алгаа. Сажаним нь намайг яагаад байрандаа орчихов гээд асуугаад байх шиг байсан юу гэж хариулсаныг нь хэн мэдэх вэ.Нөгөө мэддэг ч биш мэддэггүй ч биш хэлээр ярьж байсан юм чинь. Сэтгэл санаа үргэлж л нэг сонин байх юмдаа...

Яг юу болоод яагаад байгааг би лавтай сайн ойлгохгүй байна. Ажилаа хийгээд, үрсээ санаад, ханиа үгүйлээд, сэтгэл байнгын зовиуртай

Дашбалбар

Бидний амдрал ав адилхан,
Бидний хоолой дээр үг хүртэл нэг л янзаар зангирч
Бидний хацар дээр нулимс хүртэл нэг л янзаар бөмбөрч
Бидний зам дээр ав адилхан учрал тохиолддог.
Бүсгүйн доголон унлимсыг асуулгүйгээр арчиж өг.
Бүдэрч унасан хүүхдийг дээр өргөн аргад.

Өнөөдөр чи инээж, нөгөөдөх нь уйлдаг ч
Өөр нэгэн өдөр чи гуниж, цаадах нь дуулна,
Өлгий авс хоёрыг хүн бүхэн дамждаг болохоор
Өөр юу ч хэрэггүй, бие биеэ л хайрла.
Өргөн хорвоод хүн хайраар л дутаж болохгүй.

Аз жаргалыг би, хүний сэтгэлийн галаар төсөөлдөг болохоор
Алтан нар гэрлээ бидэнд ав адилхан хайрладаг болохоор
Амьд явахыг би бусдад хайраа түгээхийн нэр гэж бодном.
Аз жаргалыг би бусдаас хайр хүлээхийн нэр гэж ойлгоном.

Хайрыг би хайж олоогүй , өөрөө л хүрээд ирсэн

Хайрлахдаа би харамлаж байгаагүй,дороосоо ундраад л байсан

Ханиа би голж байгаагүй,удах тусам уусан шингэсэн

Харин итгэлийг би алдахыг хүсээгүй,улам бүр хомсдоод байх шиг

          Үгүйлсэн сэтгэл удах тусмаа үнэнийг адлаж худалд итгэх юм

          Үүрдийн насны хань минь хүртэл өөрт минь эргэлзэж үгүйсгэх юм

          Үг болгон хүч орон үнэний эсрэг бат зогсох шиг

          Үгүйдээ гэж учирлах бүрт минь уурлан бухимдаж үгүйсгэх юм

Энэлсэн сэтгэл шаналсан царай эрхгүй ядран сөхрөх бие минь

Эгэлгүй хатуу үгийн шуурганд эрхгүй сөгдөн нугаран унах нь

Эгэл хүмүн үгэн жадыг эхнэрлүүгээ ингэж хурцалдаг гэжүү

Энхрий бяцхан үрсээ бодоод ээж нь машид хичээж л байна даа...

Өөдөсхөн үр минь сурагч болно

Өөрөөсөө томдсон цүнх үүрнэ

Мөөмөө барьдаг жаахан гараараа

Мэдлэгийн түлхүүр үзэг барина

 Хамгийн гол нь анхаарлаа төвлөрүүл гээд

 Хамаагүй бичдэг үсгүүдээ танина ... 

Орой хүүтэйгээ ярьсан чинь ээжийн шаргал хүү -Би сургуульд орох гэж байгаа .Аав надад 3 ширхэг цагаан цамц ,ботинк,костюм авч өгсөн, эмээ надад үүрдэг цүнх харандаа пеналь үзэг авчирсан гээд л шулганаж өгсөн. Миний бяцхан ханхүү одоо 6 настай сургуульд орж том хүн болно доо. Үүрэг хариуцлага аль аль талдаа нэмэгдэж байна.Аав нь ээжийнх нь өмнөөс хүүгээ халамжилж зааж сургана.Охин маань бас 6 настай сургуульд орж байсан.Тэр үед ангидаа ганцаараа 6 настай дэндүү жаахан байждээ.Ангийнхан нь хичээлээ хийж байхад ганцаараа барбигаараа тоглоод л суудаг гээд багш нь гомдоллоод л .Тэгтэл одоо 6 анги бүүр тооны сонгон шүү.Ээжийн гүнжхэн наснаасаа эрт ороод Боловсролын яамны шийдээр 5-р ангиа үсэргээд нэг л их том ангийн охин болчихоод байна .Харин хүүгийн маань ангийнхан бүгдээрээ 6 настай 12 жилийн сургалтанд хамрагдаж байгаа гэсэн.Сая Монголд очоод байж байхад хүү маань мөөмөө бариад л , тэгснээ гараа хумбайлгаж байгаад үнэрлээд байна.Аав нь -Миний хүү юу үнэртэж байна гэсэн чинь -Комидоор /помидор/ гэдэг байна шүү дээ.Ийм л жаахан үр маань сурагч болох гээд догдлоод байгаа юм шүү дээ. Манай хүү надтай мессенжерт ороод компьютерийн гарны үсгүүдийг хамаагүй дараад надруу явуулахаар нь -Миний хүү чинь яасан мундаг хурдан бичдэг юм бэ? гэсэн чинь өөдөөс - ХАМГИЙН ГОЛ НЬ АНХААРЛАА ТӨВЛӨРҮҮЛЭЭД  яг ингээд бич гэж зааж байсан алиахан үр шүү дээ.

      Сайхаан сайхан , нутгаас хол сэтгэлээ нээж чадахгүй ямар хэцүү байгаа вэ? Одоо л нэг сэтгэл хөнгөн

сайхан байна. Ямар мундаг нь энэ блогийн тухай санааг анх олсон бол? Энд л жинхэнэ хэвлэн нийтлэх

эрх чөлөө ,хүмүүсийн үзэл бодлын чөлөөт орон зай , оюуны алжаал тайлах амралтын өрөө байна даа.  Би

ч угийн амрах дуртайг хэлэхүү , дээрээс нь өөрийн гэсэн орон гэртэй болсон болохоор Банжиг

блогуудаар ч жинхэнэ тэнэж зугаацаж байна даа.Бусдын бичсэн ,зохиосон , татсан бүхнийг үзэж уншиж

таалж бас шүүмжлээд л ... Гоё байнаа. Өөрийнхөө блогт хүн оржуу гээд байн байн орж гараад л

сэтгэгдэлд хариу бичээд л , хариуцлага нэмэгдээд сэтгэлийнхээ хоосон орон зайг цадталаа дуургэж 

жаргаж байна даа . Энэ бол оюун ухааны цэнгэл.

      Хүмүүс уулзаад нүүр нүүрээ хараад ярилцахад , эсвэл өөр ямар нэг хэвлэлийн хэрэгслээр санал

бодлоо илэрхийлэхдээ блогчид шиг ийм илэн далангүй байж чаддаг болов уу?  Би лав чаддаггүй ээ.Хүний

өөдөөс хараад ярихаараа ичээд барагтай үгээ гаргаж чаддаггүй .Эсвэл хэт нуугаад гоёчилж худлаа

ярьчих гээд л үгүй бол үгээ олохгүй буруу ойлгүүлчих гээд л . Хэвлэлийн хэрэгслүүдээр бол ямар нэг

зорилго хэлбэрт баригдаад , албан ба албан бус хуулинд захирагдаад ,нэр хичээж стиль имидждээ

үнэнч байх гээд хэзээ ч БЛОГЧИД шиг ОЮУНЫ ЭРХ ЧӨЛӨӨ эдэлж чаддаггүй шүү дээ.

    Энэ сайхан жаргалын хажуугаар бэрхшээл байх юмаа. Нэгд бага залуудаа компьютер сураагүйгээс

хэрэглээ байхгүй ,өөрөөр хэлбэл санасандаа хүртэл удирдаж чадахгүй тээглээд байх юмаа . Гэхдээ сурнаа

гэж байгаа. Хоёрт олон цагаар ажилтай болохоор яг сайхан юм бичих санаа орж ирээд л гараад явчих

юм. Нэг ёсондоо онгод орох цаг хэт эртдээд гээд алиалсан юм шүү.

Эцэст нь хэлэхэд Блогчидийн нөхөрлөл хамгаас их таалагдлаа.

Блогоос сурах юм их бий

Блогоос санах юм их бий

Маш сайн магадлан уншаад

Маргаашийн бичлэгүүдийг хүлээж байя.

            Манай цалин энэ өдөр буудаг.Бүтэн сар хичээж матийж байж нэг юм мөнгөний бараа

 хардаг.Цалингаа аваад тоолж амжаагүй байхад л утас дуугарч -Эмнэлэг явах гэсэн юм мөнгө

зээлүүлээч.300000 -2 утасныхаа мөнгийг гөгөх гэсэн юм 20нд буцаагөөд өгнө 400000-г зээлээч...

Өөрөө ч бүтэн тоолж амжаагүй байхад цалингийн маань зарцуулалт автоматаар тодрох юмдаа.Үгүй гэж

хэлэх хэцүү. Өгнө гэхээр бүүр хэцүү.Долларын ханш хаа хаанаа гайгүй байгаа дээр хөрвүүлээд авмаар

байдаг.Гэтэл тэр хүмүүс цалин буусан гэдгийг сайн мэдэж байдаг.Хичээл сургууль эхлэх гээд 2 зулзагадаа

бас бус бэлтгэл хиймээр байдаг.Монгол явуулах нь л миний төлөвлөгөө.Яанаа яандараа гэмээр би ямар

их сандаржийнаа.Үгүй гэдэг үгий шууд хэлэх чадвар хүн бүхэнд тэгш биш заяахымаа.Яах вэээ? Мэддэгүй ээ ...

Өчигдөр Банжигдах гээд зөндөө оролдоод гацаад намайг хясаад бараг л уйлах шахлаа.Өдөржин ээжийгээ бодож санаж бэтгэрлээ.Уг нь ганцхан сарын өмнө л ээжтэйгээ уулзаад ирсэн юмсан.Хол байхаар ээжийнхээ жинхэнэ бурхан гэдгийг мэдэрдэг юм байна.

90-ээд оны үед Болор цомд орж байсан залуу яруу найрагч Бат-Оршихын Бурхан шүлгийг та бүхэндээ толилуулж санасан сэтгэлийнхээ тайлал болгоё.Таалан соёрхон уу?

                                              БУРХАН

Өмнөө өөдсөн зул асааж

Өөртөө өөхөн тахил өргүүлсэн

Амьгүй бурханы хөлд

Амьд бурхан сөгджээ

Агуу хүний нүнжиг

Далдын шидэнд биширчээ

         Бурхан минь чи хуруун чинээ хүүг минь ивээж хайрла   

         Буруу зөрүү явбал өршөөж хайрла

         Арван хар нүглээс холдуулж хайрла

         Арван цагаан буянд ойртуулж хайрла

Шивнэсэн үг хоосон зайд тархаж

Шивссэн уншлага харанхуйн дунд уусна

Хөөрхий эх худлын тамыг огоорч

Хувь заяаны догшин сахиуст сүслэнэ...

         Бурхангүй хорвоог бурхантай гээд

         Буурай дорой ээжийгээ хүн шүтнэ

         Бурхантайдаа би үнэнээс айгаагүй

         Бурхантайдаа би үхлээс зуураагүй

         Бурханыхаа дэргэд ганцаардаж үзээгүй

         Бурханыхаа дэмэнд хайраар дутаагүй

Гэвч бурхан минь бурхан биш

Бөгтөр нуруутай буурал эмгэн

Бурхан минь тэгээд мөнх бус

Бусдын адил жирийн л хүн

         Цагаа болохоор тэр чимээгүйн орчинд очино

         Цагаан сүүгээр үдүүлж орчлонгоос үүрд одно

         Бор гэрийнхээ хойморт гэгээн дүрээ үлдээнэ

         Бурхан минь тэгээд бурхадын бурхан болно

         Бурхандаа би бурхан болтлоо залбирна.

     Солонгосын халуун эхэлж байна гэнээ.Манай үйлдвэр өнөөдрөөс 4 хоног амарна.Амралтаа идэвхитэй өнгөрөөх ямар ч төлөвлөгөө зорилт алга даа.Халуунд нь яг галзуурах нь ээ.Өглөө ядаж 10 хүртэл унтана гэсэн чинь нар ялаа 2 нь унтуулсангүй.Босоод л хүйтэн шүршүүрт орлоо.Ажил хийж байхад энэ халууныг мэдэрсэн ч ажилгүй байгаа шигээ тарчлахгүй харин ч цаг хурдан өнгөрдөг байсан юм шигээ.Хүйтэн ус уугаад л сэнсний доор өнжлөө. Цаг ч явахгүй ,хоол идэх ч хүсэл алга халуунд чинь.Өдөр бас л хүйтэн шүршүүрт ,үдээс хойш бас л хүйтэн шүршүүр.+32 хэм төмөр контейнерт амьдардаг надад халуун тамын тогоо лугаа санагдаж байна.Саяхан 8 цагаас л нэг юм амьсгал авах боломжтой болж хамт амьдардаг хүүхэнтэйгээ доошоо дэлгүүр явж зайрмаг авж идлээ. Яаж дахиж 3 хоногийг өнгөрөөнөө. Ядарсан ч гэсэн ажлаа л хийж байвал арай дээр юм шигээ.Манай нөхөр бас халууны хажуугаар хар хийгээд бас их бачимдуулж байнаа.Хаачих гэж байна, байрнаасаа гарах юм уу гээд л.Хамт амьдардаг хүүхэн ч гэсэн яг л над шиг зовлонтой хоёр адилхан амьтад амарсан нэр хэмээж байх шивдээ. Өдөр харин "Чиний эзгүйд" МУСК үзээд 2улаа жаал хямарлаа.Угаасаа хамтдаа л байвал тэр мөнгөтэй мөнгөгүй болох л амьдрал. Гээд харьчихмаар байвч нэгэнт зориод зориглоод ирсэнээс хойш бага ч гэсэн ажиллах хэрэгтэй ч юм шиг.Бүүр сэтгэл хямраад халуунтай хавсраад хачин болчихлоо.Ноднин халуунаар ажилгүй садангийн хүмүүстэй Квандун далай явж байсан.Уг нь гоё  л юм байна лээ. Мартсанаас би чинь солонгост ирээд 1жил 4 сар болж байна.Хань ижил үр хүүхдүүдээсээ хол хүний газар ажил хийж мөнгө хийнэ гэдэг ч амар даваа биш бололтой.Зүтгэнэ дээ...

     Аав нь хүүдээ гар утас холбуулж өгсөн гээд хүү маань бөөн баяр.Уншиж чадахгүй байж "Ээжээ миний утас руу мессеж бичээрэй" гээд л бас 9 ширхэг загастай болж гэнэ.Нэгжээрээ ээж рүүгээ шууд залгаад л дуусгачихна.Ээжийн шар хүү өчигдөр орой "Ээжээ аав руу залга архи уух гээд байна" гэхээр нь аймаар уур хүрээд залгасан чинь"Гадаа бороо орж байгаа болохоор нь дэлгүүр гарахдаа орхиод гарчихаар аавыгаа ховлож байгаа юмаа"гэнээ.Ээжийн бор охин эмээтэйгээ зусланд шавайгаа ханатал тоглож байна гэнэ дээ.Утас нь эвдэрсэн гэсэн .Аавынх нь завдал болохгүй очиж амжихгүй байна гэнэ.Манай гэр бүл гэж нэг талаар тарсан хүмүүс л байх юмдаа.Орон гэрийн мөнгө хийгээд очиж цуглуулж авна даа... 

    Блог гэдэг маань миний хувьд өдрийн тэмдэглэл ч юм уу даа.Ямартаа ч хэнд ч ярьж чадахгүйгээ энд дэлгэдэг юм шигээ.Одоогоор миний блогийг байдаг гэж хэн ч мэдэхгүй .Учир нь нэг ч хүн орж ирээгүй байна. Энэ тийм ч чухал бишээ. Миний л чөлөөт орон зай учираас би хүнтэй хүнгүй бичнэ л гэж бодож байна Угаасаа сэтгэлд байгаа бөөгнөрлийг гадагшлуулж өөрийгөө чөлөөлөх өнөөдрийн минь шилдэг арга юм . Удиртгал дүүрэн эхлэлтэй чөлөөт орон зайгаа эдэлсэн шиг эдэлнээ. Заавал өдөр бүр сууна гэж өөрийгөө шахахгүй. Сэтгэл догдлол ,эмзэглэл,уналт,хөөрөлтийн үед л ихэвчлэн орох болов уу?

      Өнөөдөр энд нар бороо холилдсон тааламжтай сайхан байна.Угаас хүний газар цаг агаарт нь зохицох гэж жаахан бэрхшээл байх юм даа.Гэхдээ дажгүй шүү. Ажил нь бол яахав ээ болж байна.Халуунд нь л бэрхшээх юм.Өглөө босоод л нэгэн хэвийн цэрэгжилттэй юм шиг өдөр хоног өнгөрөөсөөр нэг л мэдэхэд 1 жил 4 сарыг ардаа орхижээ.Гэр бүл үр хүүхдүүдээ орхиод гарсанаас  хойш зорисон зорилго , амласан амлалтандаа хүржийн үү гээд бодохоор харагдах юм байхгүй л байх юм .Гэлээ гээд ажилласаар л байсан байх юм .Монголд ажил хийх гэж эрхэлдэг байж дээ гэж өөрийн эрхгүй бодож сууна.Энд хэл мэдэхгүй харь хүмүүсийн дохио зангаагаар л хөдөлж , тэр хэмжээгээрээ хор шарандаа бусдаас дор орохгүй гэхдээ ажилдаа л илүү их шамдах юм даа.Тэгээд ч солонгос эрэгтэй эмэгтэй хүмүүс сүр болгон хийх ажлыг би лав нэг их ядрахгүй хийдэг болохоор ажлаас няцах юм алгаа.Солонгосчуудаас сурах юм нь ажил зөв хийх арга технологи,бүх зүйлийг деталичилж /чанартайгаар/ хийх явдал юм.Харин манай үйлдвэрийн со-нууд ийм байдагиймуу.Ажлаа яаж хурдан биед амар болгож хийхийг огт мэдэхгүй.Анх яаж сурсан , сургасан тэр л байдлаараа ажиллах ёстой гэсэн үзэл нь огт таалагдсангүй.Ямартаа ч нэг муухай ааштай ажума ,2 дээрэнгүйдүү зантай ажоши,3 филлиппин/аймаар залхуу муу санаатай/, 2 непал /маш удаан сэтгэдэг/ ,2 монгол хүүхэн, тэгээд гунжанжаним , сазаним,сомоним гэсэн бүрэлдхүүнтэй ажилласаар одоо 1 жил болж байна.Уурлаж бухимдаж шантрах үе зөндөө л байна.гэсэн ч зүтгэх л хэрэгтэй байна...